கலாமதா (கிரீஸ்): லிபியாவில் இருந்து இத்தாலிக்கு நூற்றுக்கணக்கான அகதிகளுடன் சென்ற மீன்பிடி கப்பல் கிரீஸ் அருகே நடுக்கடலில் பழுதாகி கவிழந்தது. இந்த விபத்தில், உயிரிழந்தவர்களின் எண்ணிக்கை 79 ஆக உயர்ந்துள்ளது. நூற்றுக்கணக்கானோரை காணவில்லை. 104 பேரை் கிரீஸ் நாட்டின் கடற்படை, கடலோர காவல்படை மீட்டன.
லிபியாவில் கடந்த 2011-ம் ஆண்டு கடாபி ஆட்சி கவிழ்ந்ததில் இருந்தே, அங்கு குழப்பமான சூழல் நிலவுகிறது. அங்கிருக்கும் மக்கள் ஐரோப்பிய நாடுகளில் அகதிகளாக தஞ்சம் அடைவது தொடர்கிறது. இவர்களை படகுகளில் சட்டவிரோதமாக அழைத்துச் செல்வதை ஒரு கும்பல் தொழிலாக செய்து வருகிறது. இந்நிலையில் கிரீஸ் அருகே ஒரு மீன்பிடி கப்பல் நடுக்கடலில் நேற்று முன்தினம் பழுதாகி நின்றது. அதில் சுமார் 500 பேர் பயணம் செய்ததாக தெரிகிறது. இந்த கப்பல் லிபியாவில் இருந்து புறப்பட்டிருக்கலாம் என நம்பப்படுகிறது. மீன்பிடி கப்பல் பழுதானதும், அதன் கேப்டன் ஒரு சிறிய படகில் தப்பிச் சென்று விட்டார்.
from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம் https://ift.tt/ea4hgw7
via IFTTT
إرسال تعليق